قصة خالد وميسون لاتبخل بل قراءة لأنها قصه تستحق القراءة

مع السلامه

سبحان الله وبحمده سبحان رب العظيم

[size=24]مشكوووره على القصه الروووووعه ........

وان شاء الله باقرب وقت تنزلين الفصل الثااني ...

لاني بصراحه مره مت حمسه للفصل الثااني[color=cyan]...

يوو خلاص بنزله لاكن مو الحين
بعد تفاعل
الصراحه هاذا الجزء هو اقل واحد اثاره

يووووووووcolor=green]....

بصرااحه انا ما اقدر اصبر .... :roll:

[color=violet]على تفاااعل الاعضاء...color][/]

هووع
يوو بس هم مايردوون

لا دلع هاذا انا رديت وصراحه عرفتي تختارين القصه لانها بالفعل اكثر ن رائعه انا اعطيها المركز الثاني من القصص الطويله وياليت تنزلين الفصل الثاني شكرا اختي دلع

الفصل الثاني

من هي ميسون ؟؟

ركبوا جميعا السياره عائدين الى المخيم .. قطع عبدالمحسن السكون بقوله: اقول خالد , انا عارف انه ما بيننا معرفه , بس ابقولك الصراحه , انا اول مره اشوف علاقه زوجيه مثل علاقتك بزوجتك , وانا الي اعرفه انك توك معرس , يعني ما دخلت , اكيد انها من الجماعه والا ؟؟

يوسف(بعد ان ضرب عبدالمحسن على رأسه): اقول ورا ما تستحي على وجهك وتناظر طريقك , مابقى الا البزران يتكلمون عن العرس خالد وهو مبتسم: والله انتم يا شباب ما قصرتوا معي , وراح اقولكم قصتي مع ميسون ، من الألف الى الياء , بس الي ينقال بهالسياره ما يطلع .. أوكيه ؟؟

عبدالمحسن متحمس: اوكيه

يوسف ومحمد: اسلم

خالد: سلمتوا .. أحمد يعرف القصه كلها .. القصه بدت في سوق العويس في يوم خميس رائع .. كان دوري اني افتح محل الوالد في ذاك اليوم , لأنه كان يوم اجازة الوالد, وكنت انا واخواني نتناوب على الخميسات , وكان ذاك اليوم دوري .. وكان محلنا عباره عن محل ملابس نسائيه جاهزه ..

جيت متأخر لم المحل , حوالي الساعه 10 الصبح , ولقيت عند المحل بنت في بداية العشرينات , ومعها وحده اكبر منها بكثير , تبين بعدين انها امها , اول ما شافتني افتح المحل , دخلت هي وامها بدون احم ولا دستور , وقبل ما انتهي من فتح البوابه والأنوار .. مشيتها , وقلت يمكن مستعجلين , دخلت المحل , ونطيت ورا الماصه , وثمن جتني وسألتني ؟؟

البنت: أنت خالد؟؟

انا: ايه انا خالد, اذا كنتي تبين تسألين عن البضاعه الجديده ترى ما عندي بها علم قاطعتني وقالت: ليش تأخرت ؟؟

انا: عفوا يا خاله , المحل محلي , واجي متى ما بغيت قاطعتني مره ثانيه وقالت: انا زبونه دايمه هنا

انا: تشرفنا المحل محلك , شوفي الي يجوز لك , وادفعي سعره , والا توكلي على الله

ميسون: انت وش فيك جفش ؟؟ انا ما جيتك اشحذ

قاطعتها امها: ميسون ؟؟ انهبلتي ؟؟

والتفتت على (الأم) وقالت: هذا بكم يا شيخ ؟؟

انا: هذا بـ 70 ونعطيك اياه بـ 65

ميسون: 65 تبي تلعب علينا انت ؟؟

انا: والله هذا مكسبه 5 ريال .. يعني ما يرضيك ابيعك اياه بخساره

ميسون: اجل لاعبين عليك , انا شايفته بمحل ثاني بـ 50

انا: جيبيه لي واشتريه منك بـ 55

ميسون: انا منيب فاضيه اجيبه لك .. المهم .. طيب هذا قماشه زين ولا خرابيط ؟؟

انا: هذا يا خاله ازين من الي اشين منه

ميسون: ماش انت ما عندك علم , الله يهدي صالح الي دلنا على محلك .. قالتها وهي تسحب امها وتطلع برا المحل

وانا تذكرت ان صديقي صالح قالي ان اخته وامه يبون يجون لم المحل , وكان يبيني اتوصى بهم .. وانا نسيت المسأله كلها .. فرحت ادورهم في المحلات القريبه , ما لقيتهم .. فقررت اني اتصل على صالح بالعصر علشان اعتذر منه .... بس الصراحه .. الإعتذار ما كان هو السبب الرئيسي جاء العصر , فرفعت السماعه , ودقيت رقم بيت ابو صالح , وردت علي ميسون نفسها .. على طول تذكرت صوتها

ميسون: الو ؟؟

انا: الو ؟؟ مساء الخير

ميسون(بصوت عالي) : انت ما تستحي على وجهك ؟؟

انا: عفوا ؟؟

ميسون: انت ما عندك خوات تغار عليهم , ما عندك شغل الا ازعاج العالم , ترى رقمنا مراقب , ونبي نجيبك , وابخلي اخواني يجلدونك لين تقول بس , ثمن يبون يودونك لم الشرطه تشوف شغلها معك يالحمار

انا(مدري وش اقول) : عفوا أختي ....انا خالد صديق صالح , صالح فيه ؟؟ ممكن اكلمه اذا ما كان فيه ازعاج ؟؟

ميسون بعد ما سكتت لحظات:اووووه .. طيب ورا ما قلت كذا من الصبح ؟؟ لحظه

بعد شوي رد علي صالح

صالح:هلا ابو خلود .. اسف لسوء التفاهم الي صار مع اختي قبل شوي , يا شيخ فيه واحد حمار مزعجنا بهالتلفون , مع ان ميسون ما تقصر معه , تعطيه من الحامي , بس ما يتوب

انا: عادي يا رجال , عندنا وعندكم خير .. المهم .. انا بغيت اعتذر منك عن الي صار مع الأهل اليوم في المحل , الصراحه ما عرفتهم , وطلعوا من المحل زعلانين , وانا جبت القطعه الي كانوا حاطين عينهم عليها , وابعطيهم اياها هديه من المحل .

صالح: ما فيه داعي يا رجال , وما صار الا الخير

انا: عاد انا جبت القطعه , ولا ابيك تكسفني , ومنها نشوفك يالقطوع

صالح: دامك مصمم اجل ورا ما تجي تتقهوى عندنا الليله ؟؟

انا: تم , اجيك بعد صلاة العشاء .. مناسب ؟؟

صالح: مناسب

وصليت العشاء ورحت لم بيت ابو صالح .. ودقيت الجرس .. ورد علي صالح , وقال: هلا خالد, انا بدورة المياه , ادخل لم الخيمه , دقايق واجيك

دخلت لم الخيمه ... وجلست , لقيت جريدة اليوم , فتحتها .. وقعدت اقرا .. بعد شوي .. دخلت ميسون تحسبني صالح

قالت: سلااااام

واخذت وحده من المجلات وجلست ..انا تنحنحت .. بس ما انتبهت .. حسبتني صالح ارد عليها السلام من ورا الجريده

قالت: ترا خويك خالد هذا شايفن نفسه بالحيل , يعني مدري من الي معطيه الإنطباع انه وسيم ولا فوق الناس ؟؟ وانا الصراحه ما ندمت اني قلت عنه انه حمار في التلفون , حتى وانا غلطانه , ما ادري اول ما شفته ما دخل قلبي , ويوم سألته عن قماش القطعه , قال : ازين من الي اشين منه(قالتها وهي تقلد صوتي بإستهزاء) يعني انا ما اقول الا الله يعين مرته عليه , مع اني اتمنى وادعي ربي ليل ونهار انه ما يصير متزوج , يعني حرام تنظلم معه مرته .. (وسكتت شوي .. ثمن كملت) يعني حتى لو كان وسيم شوي , وطويل , هذا ما يعطيه الحق انه يتفلسف على الناس , الا ويوم سألته عن قماش القطعه قال : (قاطعتها انا بصوت عالي شوي) وقلت من ورا الجريده (وانا ابتسم): ازين من الي اشين منه

هي سمعت صوتي من هنا .. ورمت المجله , وركضت لم جوا البيت من هنا .. وبعد دقايق جاء صالح , وكان واضح انه ما عرف وش الي صار , وانا استحيت اقول له

والصراحه ان طول المده اللي كانت جالسه فيها معي بالمجلس كنت رافع الجريده , وكنت احاول اني ما اناظر , بس أول ما حسيت انها تبي تروح وهي في طريقها لم باب الخيمه مسرعه , لمحتها .. وليتني ما لمحتها .. كانت أجمل مخلوق شافته عيوني , تصدقون يا جماعه , أني في ذيك الليله ما نمت , كنت قاعد أصلي طول الليل , حسيت أن اللمحه اللي ما تجاوزت ثانيه وحده , تسوى عمر كامل , كانت لابسه قميص احمر , ورافعه شعرها , وكانت بيضاء , لدرجة أن القميص الأحمر صار اغمق من الدم .. قعدت في ذيك الليله أصلي وأطلب المغفره , لأن الذنب اللي سويته في ذيك الليله شعرني بسعاده غريبه مثل سعاده الي سرق اكبر بنك بالعالم , ولا أحد درى عنه

وجاء وقت صلاة الفجر , وجاء لمي أبوي يصحيني , ولقاني صاحي .. بعد الصلاة , وأنا ماشي مع الوالد من المسجد لم البيت

قلت له: وش رايك تصير جد؟؟

التفت علي وابتسم , واسرع بخطواته

قلت له: انا اكلمك .. وراك عجل ؟؟

التفت علي , وهو ما زال سريع الخطوه , وقال(وهو يبتسم): اببشر العجوز

عبدالمحسن مقاطع كلام خالد: يا شباب فيه شي غريب بالمخيم .. وكانت يده تؤشر على المخيم

زائر

مافهمت ىشئ على ايش يدورووووون

مكتووب الرسااله
في الفصل الول اخر اربع اسطر

بي رد سريع ..
بتحطي الأجزاء ولا احذف الموضوع؟؟

علشان اذا ماراح تكلمي الأجزاء انا اجيب الموضوع هذا..
بس علىشان خاطر الأعضاء اذا كنتي بتنزلي الأجزاء الثانيه قولي على شان مااحذف هذاا لموضوع ياا عضاء ترى اذا تقول لا ماراح انزل الأجزاء الثانيه ولا يهكم انا اجيبها لكم ..

وين الجزأ الاول ما شوووفه

واللهـ... صادقهـ... بنوتهـ كول.. الجزء الاول اختفى...؟؟؟ :roll: